Geroa Baik konponbidea azkar eta eraginkorra eskatu du Alderdien Legearen isunak konstituzioaren aurkakoak direla dioen Auzitegi Konstituzionalaren epaiaren aurrean

Pablo Azcona Nafarroako Parlamentuan Geroa Bairen eledunak konponbide “azkar eta eraginkorra” eskatu du ostiral honetan, Auzitegi Konstituzionalak ebatzi ondoren hauteskundeen gastu muga gainditzen dutenentzako Alderdi Politikoen Finantzaketa Legearen lege organikoan aurreikusten diren isunetan 5.000, 25.000 eta 50.000 euroko mugak konstituzioaren aurkakoak direla.

Azconak egindako prentsaurrekoan azpimarratu duenez, Geroa Baitik denbora luzea daramate isun-erregimen honek hautesle talde eta tokiko alderdi txikiei dakarkien “egoera bidegabe hau salatzen”. “Epaiaren arabera isun horiek neurrigabeak dira”, esan du, aldi berean bere poza agertuz epai horrek isun-erregimen hori “atzera botatzen” duelako.

Geroa Baiko parlamentariak azaldu duenez, hautesle talde eta alderdi txikiek “gastu muga gutxigatik gainditzen bazuten, 50.000 euroraino iristen ziren isunak jasotzen zituzten”. “Orain Auzitegi Konstituzionala izan da azkenean bere epaia eman behar izan duena”, azpimarratu du.

Erregimen honek ondorio “larriak” eduki dituela adierazi du Azconak, gaineratuz “Nafarroako udal mailan hautesle talde askok isun ekonomiko garrantzitsuei aurre egin behar izan dietela edo hurrengo hauteskundeetara aurkezteari uko egin behar izan diotela”. “Pertsonak hauek haien udalerrietako bizitza politikoan parte hartzeko duten eskubidearen urraketa da hau”, gaineratu du.

Geroa Bairen bozeramaileak iragarri du epaiaren ondorioak analizatuko dituztela, aldi berean adieraziz “gastu muga eskasak” edukitzen jarraitzen dutela, horregatik “egoera hau zuzentzeko Parlamentu honek berak egindako proposamenak ditugu mahaigainean”.

Horrela, Geroa Baik iragarri duenez “ekimen bat aurkeztu dugu jada, ostegun honetan osoko bilkuran eztabaidatuko den mozio bat, egoera bidegabe hau zuzentzera premiatzeko”. Azconaren arabera, “bazterkeria horiekin behingoz amaitzeko, hautesle talde askok jada salatu dugun moduan, Parlamentu honetan onartu zen moduan, Kontuen Auzitegiak dioen moduan eta orain Auzitegi Konstituzionalak berresten duen moduan”. “Konponbide azkar eta eraginkorra izan beharko da”, gaineratu du.

“Atzeraeraginezko izaerarekin egitea eskatuko dugu ere, isun-espediente prozesuak irekita dituzten hautesle taldeak baitaude orainik”, zehaztu du.

Azconak planteatu duenez “isun-erregimen bat egin behar bada, egun dagoena atzera bota baita, neurrizko bat egin dadila” eta “gastu mugak nahikoak izan daitezela hautesle taldeek bizitza politikoan parte hartzeko aukera izan dezaten”.