Oroimen alorrean “inboluzio antidemokratiko bat” onartu izana egotzi dio Barkosek PP-ri Vox-en menpe jarri izanagatik

Uxue Barkos Geroa Baiko senatariak oroimen politika publikoetan aurrera egiten jarraitzea eskatu dio gaur Gobernu zentralari, aldi berean Alderdi Popularrari egotziz “Vox-en menpe” jarriz “inboluzio erabat antidemokratiko bat onartzen” ari duela, eta formakuntza horren aurrean duen “ahultasuna” aurpegiratu dio ere.

Azken urteetan oroimen alorrean “gobernuek, udalek eta erakundeek” egindako lana nabarmendu du Barkosek, aldi berean Alderdi Popularrari egotziz Vox-en irizpideen menpe jarri dela. “Bai, Alderdi Popularreko jaun andreak, Vox-en menpe jarri zarete eta urte hauetan egindako lana zeharo frankista den isiltasun baten menpe jartzen duzue”, gaitzetsi du foru senatariak.

Oroimen Demokratikoaren aurka PP eta Vox-en erkidego mailako legeak baztertzea Senatuari eskatzeko Talde Sozialistak aurkeztutako mozio baten eztabaidan egin ditu Barkosek adierazpen hauek.

Zentzu honetan, Geroa Baiko senatariak gogor kritikatu du Alderdi Popularra, alor honetan entzungorrarena egin eta Vox-i aurre ez egitea leporatuz, Núñez Feijóoren formakuntzari ohartaraziz jarrera horrekin “lortzen duten gauza bakarra hutsaltasun politikorik sakonena dela, gai horretan erabakitzeko gaitasuna duela frogatzen duena hain zuzen ere Vox dela frogatuz”.

Halaber, Barkos Talde Sozialistaren mozioaren alde agertu da, bere iritziz “oroimenaren politika publikoak indarrean mantentzea, Estatu mailan oraindik beharrezkoa den betekizuna izaten jarraitzen baitu”.

Horrela, foru senatariak ziurtatu duenez, Oroimen Demokratikoaren legearen araudiaren garapena “funtsezko pausoa” da “frankismoaren biktimen eskubideen berariazko jarduna bermatzeko”.

Hala ere, Barkosek ziurtatu du legea ozta-ozta betetzeaz gain, aurrerago joan beharra dagoela “oroimen integralari buruz hitz egin nahi badugu, diktaduraren hamarkada horiek gainditzeko, bai eta diktadura ondorengo urteetan urratutako eskubide askoren kasua gainditu nahi badugu ere”. “Urratutako eskubideak, demokrazia gazte horren erakundeetan luzatu ziren egitura diktatorialen ondorioz erasotutako pertsonak, egitura horiek gaur egunera arte ere luzatu direlarik egungo erakundeetako zenbait keinutan”, gogorarazi du.

Horregatik, Geroa Baiko senatariak azpimarratu du alor honetan aurrera egin daitekeela eta pasa den astean Nafarroako Gobernuak hartutako erabakia jarri du adibide moduan, horren bitartez Foru Komunitatean eskuin muturrak edo funtzionario publikoek eragindako motibazio politikoko ekintzen ondorioz egondako lehen hamabi biktimak aitortu baitziren.

“Hala ere -ohartarazi du Bakosek- berariazkoa den estatus honek, eta haien oroimenaren aitortzak ez dute zirkulua ixten Estatuko erakundeek ez badute kasu honetan anbizio berbera jartzen, kasu honetan Nafarroako Gobernuko Bake eta Bizikidetza Departamentuak frogatutako anbizio bera”.

Horregatik, Geroa Baiko senatariak Gobernu zentralari eskatu dio norabide honetan lan egin dezala, izan ere, eta azpimarratu duenez, “Mikel Zabalzarena bezalako kasuek bere konpromisoa behar dute, oroimen politikarekiko Gobernuaren konbikzioa, gaur oraindik, 40 urteren ondoren, gai hau sekretu frankistaren giltzapean itxita mantentzen diren paperak desklasifikatzeko”.

Azkenik, Alderdi Sozialistaren mozioaren aleko botoa iragarri du Barkosek, baina ohartaraziz Geroa Baik lanean jarraituko duela “kasu guztiak argitzeko eta biktima guztien eta horien oroimenaren aitorpena lortzeko”.